Butandu egi ebaire erimu baasi ya YY namba UAV 701C. POLICE PHOTO.

N’ebya Omushaki weitu

BUIKWE

Pooriizi ezoire emitumbi y’abantu 3 bwanyima ya butandu  ebaire aharuguuto orwa Makindu–Nyenga omu disiturikiti eya Buikwe. 

Okuronda abandi bantu abafiire kuriyo nikugyenda omu maisho.

Michael Kananura, Omugambirizi wa Pooriisi y’ebyahanguuto naagira ngu butandu egi ebaireho nyomwabazyo omu kyaro ekya Makindu.

Butandu egi ebaire erimu baasi ya YY namba UAV 701C.

Kananura naagira ngu baasi egi egwire yayekunamuura yakwatwa omuriro nikwo abantu abatakamanyirwe kufeerwa amagara gaabo n’abandi baingi bahutaara.

Abahutiire beirukangiziibwe ah’eirwariro erya Kawolo, St Francis Lwanga Hospital n’ahamarwariro agandi kutunga okuragurirwa.

Butandu egi eizireho bwanyima y’ebiro 2, Rajiv Ruparelia, mukama wa Ruparelia Group of Companies aherize kufeera omuri butandu ahari Busabala aharuguuto orwa Entebbe.

Aharw’okubanza, minisita w’eby’entambura, Gen Edward Katumba Wamala arangiriire kuhateirweho akakiiko k’okucondooza butandu egi.

#WestUpdates