Abantu 3 bafeereire omuri butandu ebaire aha mayiro 9 aha ruguuto orwa Mbarara- Bushenyi. Courtesy photos.

N’ebya Omushaki weitu

MBARARA

Pooriisi ehamize abantu 3 abafeereire omuri butandu ebaire aha mayiro 9 aha ruguuto orwa Mbarara-Bushenyi omu disiturikiti eya Mbarara.

Omugambirizi wa Pooriisi y’eby’ahanguuto, Micheal Kananura, naagira ngu egi ebaireho Orw’okubanza ebiro 04.11.2024 ebaire erimu emotoka ehandiikirwe omu namba ya UBK 951Q Toyota Hiace, emotoka eya Mark II eya namba UAX 318V hamwe n’emotoka eya UAZ 899J.

“Butandu egi ebaireho obu omuvugi w’emotoka eya Mark II ebaire neeruga Bushenyi erikuza Mbarara emuremeriire yahika aha Mayiro 9 arikugyezaho kushara ekiina nikwo kutomerana buso bwantaama n’emotoka endiijo eya Toyota Wish abantu babiri bakafeeraho. Abafiire barimu dureeva n’omushabaazi obaire ari omu motoka ya Mark II. Abandi bantu 7 baatungire obuhuta kandi boona babaire bari ab’omu motoka eya Toyota Wish,” Kananura arikushoborora.

"Omuntu owa kashatu afiire bwanyima ya dureeva kuremwa kuheta ekoona akahendera atomiire omwe aha babaire baatungiire obuhuta omuri butandu egi. Dureeva w’emotoka egi aizire yakwatirwa aha mwanya ogu Pooriisi erikushwijumiraho ebiruka omuri Mbarara,” Kananura arikwongyera kushoborora.

Emotoka ezitomiire zitwirwe aha Pooriisi ya Kashaka kukyeberwa.

Kananura naagira ngu Pooriisi erahukire kuhika aha mwanya nikwo kwirukangiza abatungire obuhuta ah’eirwariro erya Mbarara Regional Referral Hospital kutunga okuragurirwa. Emitumbi y’abagyenzi nayo etwirwe omu kabafu ah’eirwariro niryo rimwe kukyeberwa.

Emotoka ezitomiire zitwirwe aha Pooriisi ya Kashaka kukyeberwa.

Emotoka 3 ezitomiire zitwirwe aha Pooriisi ya Kashaka kukyeberwa.

Kananura naagira ngu okucondooza okwahikireho nikworeka ngu butandu egi eretsirweho okuvuga sipiidi erengire ahabw’emotoka zoona hamwe n’ebiina ebiri ahagati y’oruguuto.

Nashaba nashaba abarikukwatwaho okukora aha biina abiri ahagati y’oruguuto. Nayongyera ashaba abavugi b’ebiruka okuguma nibavuga sipiidi eringaniire kandi bagume betware bahika aha mwanya gwona ogwabaho butandu.

#WestUpdates