Omugyenzi yamanywa nka; Shuldman Harrison Evan, 40, kuruga New York omuri America.

N’ebya Simon Masaba

KANUNGU

Abamerica 4 baatunga butandu ya motoka eriizooba, omwe yafeeraho omu disiturikiti eya Kanungu.

Butandu egi yabaho eriizooba (27.01.2025) shaaha 7 z’akasheeshe omu kyaro kya Kakureiju omu muruka ogwa Bweronde omugomborora eya Kyeshero nikwo kufeeramu Omumerica w’omurambuzi n’okuhutaaza abandi bantu 5.

Okurugiirira ahari Pooriisi, emotoka ya Toyota Land Cruiser ehandiikirwe omunamba ya UAM 271U yaaba neeruga owa Bwindi erikuza Butogota obu yaremwa kuheta ekoona ekataahira omu rutindo orwa Kyeshero bwanyima ya dureeva kuremwa kusiba etyo ekamuremerera.

Omugyenzi yamanywa nka; Shuldman Harrison Evan, 40, kuruga New York omuri America.

Okurugiirira ahari Pooriisi, dureeva yamanywa nka Alpha Dadaire, 33, kuruga omu disiturikiti eya Wakiso.

Abahutaara bamanywa nka; Zachary Avayou, 39 owa Pennsylvania; Jeremy Frederick Wright, 25, kuruga California; Garten Kyla Margaret, 35 kuruga California na Joan Akankwasa, 26, kuruga omu disiturikiti eya Wakiso.

“Omutumbi gw’omugyenzi gwatwarwa omu eirwariro erya Bwindi kandi abahutaara nabo batwarwa omu eirwariro niryo rimwe kutunga okuragurirwa okurugiirira ahari Pooriisi.

Emotoka eyaatunga butandu etwirwe aha Pooriisi ya Kihiihi kukyeberwa obwo okucondooza kumanya ekyareetaho butandu kurikugyenda omu maisho.

#WestUpdates