VP Jessica Alupo arikushoma obutumwa bwa Purezidenti ahamukoro gw'okuziika Bakyenga

'Bakyenga abaire ari omusingye gw'eihanga' - Purezidenti Museveni

N'ebya Angella Naturinda, Mbarara

Enkumi n’enkumi y’abanya Uganda eriizooba bayerundaanira aha kereziya eya Nyamitanga kushendekyereza Aakibiishopu Paul Kaamuza Bakyenga.

Omukoro gw'okuziika Aakibiishopu Paul K Bakyenga ahari Nyamitanga

Aakibiishopu Bakyenga afiire aharwakabiri rwa wiiki egi ahamyaka 79 ah’eirwariro erya Nsambya.

Omuhwezi wa Purezidenti, Jessica Alupo niwe yajwekyera Purezidenti Museveni nk’omugyenyi mukuru.

Vice Presidenti, Jessica Alupo yaheeza kuhiika ahamukoro..(Photo by Tushabe AAndrew)

Omubutumwa bwa Purezidenti obwamushomerwa Alupo yayegyekyerera entunguuka eri omu eitware rya Mbarara ahari Aakibiishopu Bakyenga kandi yashaba abamuri omu bigyere kumureeberaho.

Hoona yayongyera yamugambaho nk’omusingye murungi gw’eihanga omuby’entuunguka n’ediini.

Bamwe ahabaahika ahamukoro ogu..(Photo by Tushabe Andrew)

Arikugamba ahamukoro nigwo gumwe, Omuhwezi wa Sipiika w’eishengyero, Thomas Tayebwa yagambira abaziiki ngu Bakyenga akeehayo kukorera Ruhanga, abantu n’ensi yoona.

Rt. Hon Thomas Tumwebaze arikugamba ahari Bakyenga..

Ogu akaba Aakibiishopu w’okubanza w’eitware erya Mbarara omukwokubanza 1999 kuhitsya obu Paapa Francis aikiriza okuhumura kwe ahabiro 25/4/2020.

Aakibiishopu Bakyenga yaasiiburwa omu kitiinisa obwo arikuteererwa emizinga 7

Omubiri gwe gwaziikwa omu kereziya eya Nyamitanga kandi yahebwa ekitiinisa ky’okumuteerera emizinga 7.

#WestUpdates