E.C yeikiriza PFF kwehandiikisa nk’ekibiina ky’eby’obutegyeki

N’ebya Omushaki Waitu

Ekitongore eky’eby’oburuuru kyeikiriza bakuru b’ekigombe ekya People’s Front for Freedom (PFF) kurundana ebinkumu by’okushagika okwehandiikisa nk’ekibiina ky’eby’obutegyeki.

Ekigombe ekya PFF nikyebemberwa owabaireho Purezidenti wa FDC, Dr. Kizza Besigye na Lord Meeya w’orurembo orwa Kampala, Erias Lukwago.

Bamwe ahabarikushagikaBesigye omu PFF harimu omuny’eishengyero wa Kiira Munisiparite, Ibrahim Ssemujju Nganda.

Aba ni guruupu eyayebaganiise ahakibiina ekya FDC orubaju orwa Najjanankumbi obwo barikubajunaana okwakiira sente kuruga omukibiina ekya NRM.

Okwikirizibwa oku kuri omubaruha y’ebiro 2/10/2024 etairweho omukono omuhandiiki w’ekitongore eky’eby’oburuuru, Leonard Mulekwah erikuza ahab’obushoboorozi omu disiturikiti zoona omu eihanga.

#WestUpdates