Mukuru w'eirwariro erihango rya Mbarara, Dr. Celestine Barigye hamwe na Dr. Wagubi Robert, ow'eby'eshagama ahari Mbarara. PHOTOs by Abdulkarim Ssengendo.

N’ebya Beth Akatukunda

MBARARA

Eirwariro erihango erya Mbarara ritongoizeho ehururu y’okugaba n’okurundaana eshagama erikuza kumara ebiro 3 egyendereire kutambira amagara g’abantu.

Ebi bigambirwe mukuru w’eirwariro eri, Dr. Celestine Barigye obu abaire nagambaho n’abanyamakuru ah’eirwariro eri omu eihangwe gw’orwakashatu ebiro 21/02/2024.

Naagira ngu ehururu egyenderiire kutambira amagara g’abarwaire na munonga omu bakazi b’enda, abarwaire b’ekookoro, abaana, abasibe, abantu abarikuba batungire za butandu n’abandi abarikukira kwetenga eshagama munonga.

Dr. Barigye naagira ngu eirwariro nirikoresa eshagama erikwingana units 1,000 z’eshagama omu barwaire buri kwezi.

Nashaba abantu okurugayo bakejumbira omuhururu egi babaase kwetambira n’okutambira amagara g’abarwaire abandi.

Dr. Barigye agizire ngu eirwariro tiririkwikiririza omu kuguza eshagama nikwo kurabura ngu omushaho nainga omuntu weena orakwatwe nagiguza naija kubingwa aha murimo gwe.

Dr. Barigye naagira ngu eirwariro nirikoresa eshagama erikwingana units 1,000 z’eshagama omu barwaire buri kwezi.

Omu bigambo bye, Wagubi Robert- omuhangu orikukora omu eibikiro ry’eshagama ah’eirwariro erya Mbarara agizire ngu omuhururu egi, bagyenderiire kurundaana units z’eshagama zireengire omu 5,000.

#WestUpdates