Mukuru w'eirwariro erihango erya Mbarara, Dr. Celestine Barigye.

N'ebya Beth Akatukunda

MBARARA

Mukuru w'eirwariro erihango erya Mbarara, Dr. Celestine Barigye, yaagaruka omu ofiisi kukora emirimo ye bwanyima y'okumara ameezi 5 arwire.

Arikugambaho omu rukiiko rw'abanyamakuru ah'irwariro eri eriizooba, Dr. Barigye yaagira ngu akatandika kubura kwehuriragye aha biro 08/03/2023 nikwo kutwarwa ah'irwariro erya Ishaka.

Mukuru w'eirwariro erihango erya Mbarara, Dr. Celestine Barigye arikugambaho n'abanyamakuru bwanyima y'okugaruka omu ofiisi.

Akaija yaatwara ah'irwariro erya Mulago kuragurirwa ahi yashemereziibwe ekintu ekyabaire kizimbire omu mutwe.

Dr. Barigye akaija yayongyerwayo yatwarwa omu Ihanga erya Turkey ah'eirwariro erya Medicana International Hospital kwongyera kutunga okuragurirwa.

Yaasima State House, Minisiture y'eby'amagara n'abantu boona okutwariza hamwe ahabw'obushagiki obu bamuhaire omu kurwara kwe oteireho n'okumushabira.

Dr. Barigye yaasima abakuru ah'irwariro erya Mbarara abatwire nibakora emirimo etari emwe omu bwire obu amazire atari mu ofiisi.

Yaasima abashaho na Mulagi hamwe naba Turkey ahabw'amaani agubateiremu kutambira amagara ge.

Dr. Barigye aagira ngu yagaruka omu ofiisi kukora emirimo ye kureeba ngu abarwaire bagumizamu nibatunga obuheereza ah'irwariro eri.

#WestUpdates