Ekiro kya Pooriisi, aba Kyegegwa bayonja e tauni. PHOTOS by Philip Murangira.

N’ebya Philip Murangira

KYEGEGWA

Nk'omuringo gumwe gw'okunywanisa Pooriisi n’abantu baburaijo, Pooriisi ekwataniise n'abatuura hamwe n'abeebembezi ba Kyegegwa tauni kanso bayonja etauni ya Kyegegwa barikuyoora kasasiro obwo barikwijuka ekiro kya Pooriisi.

Adam Kimuli, Omuduumizi wa Pooriisi ya Kyegegwa yashaba abatuura okutwanisa na Pooriisi na munonga okuhayo amakuru agarikufa omu byanga byabo nk'omuringo gumwe gw'okurwanisa ebihagaro n'emanja.

Kimuli yayongyera yashaba abatuura okukunda eihanga ryabo.

Aha mukoro nigwo gumwe, habaho n’okugaba eshagama kuhwera abo abarikugyetenga omu marwariro oteireho n’okubyara emiti nk’akamanyiso k’okurinda eby'obuhangwa.

Abantu barikugaba eshagama aha mukoro gw'okwijuka ekiro kya Pooriisi omuri Kyegegwa aharwakabiri ebiro 10.09.2024.

Bwanyima habaho ekigaaniiro ahagati ya Pooriisi n’abatuura obwo barikugambira Pooriisi ebirikubateganisa.

Abeebembezi basiima Pooriisi ya Kyegegwa ahabw’okukwatanisa n’abatuura b’omu kicweka eki.

Ekiro kya Pooriisi ‘Police open day’ kikateebwaho kugira ngu Pooriisi ebaase kubugana n'abantu b’aburaijo kureeba oku bakubaasa kuhamya omukago.

#WestUpdates