Abafiire barimu abakazi 3 n’omwana omwe. PHOTOs by Philip Murangira.

N’ebya Philip Murangira

KYEGEGWA

Abatuura b'omu kyaro kya Kyakataaha omu gomborora ya Migongwe omu disiturikiti ya Kyegegwa bagweriirwe akagwe bwanyima y'enkuba kuteera abantu 12, reero 4 bakafeeraho kandi abandi 4 batwirwe omu eirwariro.

Abafiire barimu abakazi 3 n’omwana omwe.

Omwe aha bakazi 3 n'omwana omwe abateirwe enkuba bakafa omuri Kyegegwa.

Abafiire bamanyirwe nka; Elizabeth Ninsiima, 12, Eveline Tukundane, 32, Gaudensio Katusiime, 36 na Eunice Tushemeriirwe, 35. 

Omwe aha bakazi abateirwe enkuba omuri Kyegegwa bakafa.

Aba babaire nibaruga Kyakataaha barikuza omu katare ka Migongwe nikwo enjura kugwa bakagyegama ow’omutuura mutaahi waabo ahi enkuba ebateereire.

Winfred Busingye, omuhwezi wa mukuru w'enteba ya kashatu ahabwa Migongwe naagira ngu ekyaro kyoona kiine obwoba n’okucuramirirwa.

Abaatungire obuhuta bariyo nibatunga okuragurirwa ah’eirwariro erya Kyegegwa Hospital.

Okurugiirira ahari mukuru w’eirwariro eri, Dr. Esau Muhwezi, aba bariyo nibateerera mpora mpora.

#WestUpdates