Omugyenzi amanyirwe nka David Musinguzi, 49, obaire natimba kamina ah'eishomero erya Karungi Nursery and Primary school eririkushangwa omu tauni kanso ya Mpara. Photo by Philip Murangira.

N’ebya Philip Murangira

KYEGEGWA

Abatuura kuruga omukyaro kya Mpara A omu tauni kanso ya Mpara omu disiturikiti ya Kyegegwa bagweriirwe akagwe bwanyima y'omushaija obaire natimba kamina y'eishomero eitaka kutenguka rikamushweka akafeeraho.

Omugyenzi amanyirwe nka David Musinguzi, 49, obaire natimba kamina ah'eishomero erya Karungi Nursery and Primary school eririkushangwa omu tauni kanso ya Mpara.

Junior Byonabaine, murumuna w'omugyenzi kandi obaire natimba nawe kamina naagira ngu bakapatana kutimba fuuti 60 ezi babaire baahikize kandi ngu omugyenzi abaire agarukire omu kiina ahansi kuteereza nikwo kutenguka rikamushweka.

Nikigambwa ngu obuzibu burugiriire aha kutimba ekiina eki haihi na kamina enkuru.

Akagwe aka kabaireho shaaha mukaaga z'eihangwe ebiro 31.01.2025 konka ahabw’ekiina kuba hare, abatuura na Pooriisi baremirwe kwihayo omutumbi ekireteire gwaraara omukiina.

Ahitwaza kuhandiikira amakuru aga, Pooriisi yaaba ekiriyo netebeekanisa kureeta ekimotoka kuruga aha Pooriisi ya Mubende ekirabahwere kwihayo omutumbi.

#WestUpdates