Abaana bashatu abahairwe obutwa bakafa bamanyirwe nka; Devine Natumanya, 8, hamwe n'abarongo b'emyaka 4 abarimu Nyangoma Province na Nyakato Mercy. Photos by Philip Murangira.

N’ebya Philip Murangira

KYEGEGWA

Abatuura b’omu kyaro ekya Kigorani omu gomborora ya Migongwe omu disiturikiti ya Kyegegwa bagweriirwe akagwe bwanyima y'omushaija kuheereza abaana be bashatu obutwa bakafa.

Omushaija ogu amanyirwe nka; Amutuhaire Frank Salongo, 35, ow’omu kyaro ekya Kigorani.

Amutuhaire Frank Salongo, 35, ow’omu kyaro ekya Kigorani omuri Kyegegwa orikugambwa kuba ahaire abaana be 3 obutwa bakafa.

Abaana bashatu abahairwe obutwa bakafa bamanyirwe nka; Devine Natumanya, 8, hamwe n'abarongo b'emyaka 4 abarimu Nyangoma Province na Nyakato Mercy.

Nikigambwa ngu Amutuhaire Frank ahaire abaana be obutwa bwanyima y’omukazi we omanyirwe nka Catherine Kyarikunda Nalongo kuza omu rufu rwa muriraanwa akakyererwayo. 

Nikigambwa ngu Amutuhaire ateekateekire ngu omukazi we abaire agiire omu bashaija abandi.

Bwanyima y’okuheereza abaana be obutwa, Amutuhaire nawe anywire obutwa kwonka ti yaafa. 

Obwa hati, Amutuhaire ariyo naatunga okuragurirwa ah’eirwariro erya Kyegegwa General Hospital.

Vincent Twesige, Omugambirizi wa Pooriisi ahabw’ekyanga ekya Rwenzori West naagira ngu okucondooza omunshonga egi kuriyo nikugyenda omu maisho.

#WestUpdates