Bamwe ahambohe zirikuhinga omumusiri gw'ebicoori. PHOTO: Petride Mudoola

N’ebya Petride Mudoola

Embohe 10 hamwe na banyampara 3 b’ekihome baahutaara bwanyima y’emotoka ei baaba nibatamburiramu kutunga butandu ahari Amuca ahaburaingwa bwa kiromita nka 8 kuruga omururembo Lira akasheeshe k’eriizooba.

Frank Baine, orikuha amakuru ahakihome yaagambira TV West ngu, “akasheeshe k’eriizooba ahari shaaha nka 3, emotoka ehandiikirwe omu namba ya UAL 670R epakiire embohe 10 na ba nyampara 3 yaatunga butandu...”

Baine yaagira ngu ba nyampara baaba nibatwara embohe kuruga omukihome ekikuru ekya Kira barikuza omukyaro kya Moka kukora omu ishamba rimwe obu butandu egi yaabaho.

Baine yaashoboorora ngu, “Omuvugi yaaremeererwa ekiiruka arikugyezaho kweshumba na motoka endiijo eya “pick-up” eyaaba neyirukangira kimwe ehungire poorisi. Motoka y’ekihome yaagwa bwanyima y’okutomera emwe ahampagi z’oruguuto ez’omurubaju nikwo kuhutaaza abaaba barimu.”

Bamwe omumbohe barikuhinga omumusiri gw'ebicoori. PHOTO: Petride Mudoola

Okurugiirira ahabaayereebera n’agaabo, omuvugi yaaremeererwa nikwo kutomera ekisiika eky’aharuguuto nikwo kuhutaaza embohe na ba nyampara.

Akiteng Nancy yaagira ngu, “Twareeba motoka y’embohe erikuhingama, erikuruga aharuguuto nikwo kucumita omunwa omunkingizo y’oruguuto.”

Abandi abaaba bariho baagira ngu bamwe omumbohe baaremererwa kuruga omumotoka nikwo abatuura kukoresa empango kubajuna kandi butandu egi yasharaza eby’entambura kumara akaire.

Baine yaagira ngu eky’omugisha omurungi tihaine owaafa, arikwongyeraho ngu abaahutaara baatwarwa ah’irwariro eryaba nirikurataho ahi baasiiburwa bwanyima y’okutunga obujanjabi.

#WestUpdates
#RadioWestAt25