Minisita w'eihanga ow'eby'amatungo, Lt. Col. Bright Rwamirama arikutongozaho ekyoma ky'okusa ebicoori aha minyeeto y'omuri Bushenyi ahansi y'ekigombe kyabo ekya Tans Foods ebiro 01/09/2023.

N’ebya Bruno Mugizi. 

BUSHENYI 

Minisita w'eihanga ow’eby’amatungo, Lt. Col. Bright Rwamirana ashabire eminyeeto kureeka kureebeera buzinesi zaaho n’aho beitu bateekateeke ahaky'okutandikaho buzinesi eziriije kubaheereza entaasya obwire bwona.

Minisita Rwamirama agambire ebi obu abaire natongozaho ekyoma kyokusa ebicoori eky'eminyeeto y’omuri Bushenyi abarikwegaitira omu kigombe kyabo ekya Tans Foods ekibahairwe ekitongore ekya NAADS kurabira omu disiturikiti ya Bushenyi. 

Omukoro ogu gubaire omu tauni kanso ya Rwentuuha omu disiturikiti eya Bushenyi.

Minisita Bright Rwamirama agizire ngu gavumenti neija kuguma nehwera eminyeeto baaba begaitsire. Photos by Bruno Mugizi.

Ekyoma eki kimazireho shiringi miriyooni 200 kandi nikiija kuba nikisa taani 25 z’obuhunga bur’izooba.

Rwamirama agizire ngu gavumenti neija kuguma nehwera eminyeeto baaba begaitsire. 

Aha mukoro ogu, Dr.Mugasi Samuel- Mukuru w’ekitongore ekya NAADS agizire ngu nk’ekitongore, bagyendereire kwongyera aha mutindo gw’ebicoori kurabira omu kuheereza abantu abegaitisre hamwe.

Naagira ngu eki kibaasa kuhwera eminyeeto kutandikaho emirimo eyaabo nkabo kutari kutega gavumenti amaisho.

Ekyoma eki kimazireho shiringi miriyooni 200 kandi nikiija kuba nikisa taani 25 z’obuhunga bur’izooba.

Trevor Yebazamukama, omwe aha minyeeto abatandikireho ekigombe ekya Tans Foods naagira ngu obwahati batandikire kushohoza obuhunga kubaasa kuhwera abantu kutunga eky’okurya.

Alfred Ahumuza, omwegembezi w’ekigombe eki asiimire gavumenti ahabw’okubaheereza ekyoma kyokusa ebicoori ekirikwija kubahwera kwongyera omutindo omu bicoori.

#WestUpdates