Omu kurwano okwo, Alex Gumisiriza, Manegya wa Tausi Bus atungiremu obuhuta aha kutu kwe n’omu manyaanya.

N’ebya Bruno Mugizi

BUSHENYI

Pooriisi omu disiturikiti ya Bushenyi ehandikire omushango ahi abakozi 7 ba Golbal Bus Limited ahabw’okugambwa kuba bateire manegya wa Tausi Bus omu tauni ya Ishaka omuri Bushenyi.

Martial Tumusiime, Omugambirizi wa Pooriisi ahabw’ekyanga ekya Bushenyi empango naagamba banyakuteekateekwaho nka; Kaweesa Usma, Aijuka Adam, Bugembe Lawrence, Akatwijuka William, Nicholas, Osbert (boona abarikukora nka ba burooka ba Global Bus) hamwe na Happiness, Manegya wa Global Bus omu tauni ya Ishaka.

Obuteikirizana obubaireho nyomwebazyo Orw’okubanza ebiro 03.06.2024 nibugambwa kuba burugiriire aha kurwanira abashabaazi ahagati y’abakozi ba Global Bus na Tausi Bus.

Omu kurwano okwo, Alex Gumisiriza, Manegya wa Tausi Bus atungiremu obuhuta aha kutu kwe n’omu manyaanya.

Ogu tigwo murundi gw’okubanza okurwana ahagati y’abakozi ba Global na Tausi bus kurikubaho. 

Aba nibagambwa kuba baizire nibarwanira abashabaazi kandi obumwe emishango ehenderera omu kooti. 

N’obu tiimu y’ab’eby’okwerinda n’abandi abarikukwatwaho bagyerizeho kumaraho obuteikirizana obu beitu na hati bukiremiireho.

#WestUpdates
#RadioWestAt25