Yvonne Kebirungi atungire ekyoma ky'okunyuka eshande hamwe n'ekyoma ky'okugabura eshande y'okuguza ahi emyeto endiijo etungiire ebikoresa ebindi omuri Booma omururembo Mbarara . PHOTO: Eli Akiza

N’ebya Eli Akiza

Eminyeeto erikurenga 70 kuruga omuri Mbarara, Rwampara hamwe Mbarara City abatwire nibatendekwa omu myoga etari emwe n’emwe batungire ebintu by’entandikwa okubahwera kwetandikiraho za bizinensi kubaasa kurwanisa obworo hamwe n’eibura ry’emirimo.

Eminyeto abatungire emyoga y'okwebaisaho nyomwebazyo 20.12.2023 omuri Booma, Mbarara. PHOTO: Eli Akiza

Aba batwire nibashagikwa ekitongore kya AVSI Foundation kuruga omu ihanga rya Buturuuki n’obushagiki kuruga omu ihanga erya Netherlands.

Eminyeto etwire netendekwa omu myoga etari emwe n’emwe n’kokora za Chapati, okuriisa enkoko, embuzi, enjoki, hamwe n’okukora eshande, batungire akamwenyo aha matama bwanyima y’okuhaabwa ebintu ebi ebibariirwemu shiringi miriyooni 250. 

Bamwe ahaminyeto barikworeka ebyoma ebi batungire bwanyima y'okushomesibwa emyoga y'entandikwa. PHOTO Eli Akiza

Ebintu ebi batungire harimu ebihumi, ebyoma by’okubaaga enkonko, eby’okwosya enyama, eby’okukozesa aha faamu nk’ebomba, embibazi hamwe nebindi; embuzi, obume, za furiigi hamwe n’ebyoma by’okunyuuka eshande n’ebindi.

Robert Kakyebezi meeya w’Orurembo rwa Mbarara, okuriire omukoro ogu asiimire ab’ekitongore kya AVSI kandi yaahiga abatungire  ebintu ebi okubikozesa kurungi.

Meeya w'Orurembo Mbarara Kakyebezi Robert arikugambira ahamukoro gw'okukwatsa eminyeto ebikoresa bwanyima y'okumara kushomesibwa. PHOTO: Eli Akiza

Ebi byoona nibikorwa ahansi ya Project y’emyaka 4 eya AVSI Foundation ey’okwegyesa eminyeto emyoga y’eby’obuhingi n’oburiisa ei barikwihamu emirimo n’entaasya (Skilling in Agripreneureship for increased Youth Employment) kandi eminyeto erikuhingura omu 30,000 yaaherize kuganyirwamu okwetooroora eihanga ryona.

#WestUpdates