Gavumenti kurwanisa abaana bahanguuto.

N’ebya Ivan Tsebeni  

Gavumenti eshangiire ngu abaana baingi abari aha nguutu nibateebwaho bataahi baabo nari abazaire baabo kushabiriza kutunga oku baraabiseho amaka gaabo beitu gavumenti negira ngu eine enteekateeka y’okubinga abaana aba aha nguuto. 

Ebi bigambirwe Betty Amongi, Minisita w’ekikura ky’abantu.

Okurugiirira ahari Minisita, abaana abari aha nguuto beyongyeire haihi ahanguuto enyingi ez’omu tauni n’endembo. Beitu hoona naagira ngu gavumenti eshangire ngu abaana aba nibateebwaho kushabiriza esente, omuze ogu agizire ngi tiguboniire.

Amongi okugamba ebi n’obu abaire nabuganaho abanyamakuru ahari Uganda Media Center omuri Kampala nyomwebazyo.

Minisita nabwo akyorekire ngu abandi abaana nibakoresibwa emirimo ebarengire, eki arikugira ngu nikihenda ebiragiro ebiri omu Ihanga. Nakyoreka ngu gavumenti eriyo netaho entebeekanisa z’okugaruza abaana aba omu maka gaabo n’okureeba ngu bashoma.

Nayongyeraho ngu okukoresa abaana emirimo nka: okutimba eby’obugaiga bw’omu eitaka, okujuba eby’enyanja n’endiijo nibata omu kabi k’obutaisya gye, okubura kuhurira gye, okutunga obuhuta n’endiijo.

Dorothy Kisaka, mukuru w’ekitongore ekya Kampala Capital City Authority (KCCA) naagira ngu gavumenti eshemereire kutaho entwaza ey’omurembe kwiha abaana aba aha nguuto.

Abaana barikuhika miriyooni 10.4 abari ahagati y’emyaka 5-17 omu Uganda abarikwingana obucweka 67 ahari 100 nibo barikukoresibwa emirimo ebarengire.

Okurugiirira aha kucondooza okwakozirwe ekitongore ekya National Labour Force Survey carried out by the Uganda Bureau of Statistics (UBOS) omugwa 2021, obucweka 47 ahari 100 bw’abaana nibakora emirimo y’omuka kandi obucweka 42 ahari 100 nibakora emirimo y’okuhinga n’okuriisa.

#WestUpdates