Okuta omukono ahandagaano y'okukwatanisa ahagati ya Gavumenti na Rowad Capital Commercial aha State House, Entebbe.

N'ebya PPU

Ekitongore ky’eby’empurizigana ekya Uganda Telecommunications Corporation Limited n’eky’okugarukamu kukora emirimo yaakyo bwanyima ya Gavumenti ya Uganda n’ekitongore eky’omururembo Dubai ekya Rowad Capital Commercial kuta omukono ahandagaano. 
Okwikirizana oku kubaire kuriho omwebembezi w’eihanga, Yoweri Kaguta Museveni omumaka g’obwa Purezidenti omuri Entebbe.

Minisita Hon Henry Musasizi arikuta omukono ahandagaano y'enkwatanisa ahagati ya Gavumenti ya Uganda na Rowad Capital Commercial

Omundagaano egi,  Gavumenti n’ey’okutandikiraho kukwatanisa n’aba Rowad Capital Commercial kuha engoga ekitongore kya UTCL n’okureetera kyaha obuheereza obw’omutindo.
Endagaano egi eteirweho omukono Minisita w’ebya kanyabwengye Dr. Chris Baryomunsi, arikujwekyera gavumenti ya Uganda.
Omukugamba kwe, Purezidenti Museveni agizire ngu Gavumenti eyorekyereire kuhangaho emirimo ahabw’abanya Uganda nikwo kukwatanisa n’aba RCC. 

Purezidenti Yoweri Museveni arikugamba obu endagaano ya Gavumenti na Rowad Capital Commercial ebaireho aha State House omuri Entebee.

“Ekigyendererwa kyaitu eky’amaani n’okutunga abarikureeta empiiha kuhangaho emirimo n’okureetaho obugaiga,” nikwo Purezidenti agizire.
Aharubaju rwe, Dr. Baryomunsi asiimire Purezidenti Museveni ahabw’okushagika okugaruraho ekitongore ekya UTCL. 
“Ninyenda kworeka okusiima kwangye ahari Purezidenti waitu Yoweri Museveni okozire n’amaani kureebeka ngu ekitongore eki kyagira amagara masya ahabw’okuba nakunda orubaju orw’eby’empurizigana kandi ayekwateiremu kureebeka ngu enkwatanisa egi yaabaho,” nikwo agizire.
Omubabeireho bariho kandi hoona ni Minisita w’eby’esente hamwe n’entuunguka y’eby’entaasya, Hon. Henry Musasizi.

#WestUpdates