Omushomo gw'okubangira abanyadiini n'ab'eby'amagara ahandwara ezitarikuturirana..(Photo by Michael Tumwakire)

Endwara z’emitima nizeyongyera omuri Mbarara

N’ebya Michael Tumwakire

Biishopu w’obureeberezi bwa Ankole yaahiga abatuura okuguma nibakyebeza okwongyera okumanya amagara gaabo.

Ebi abigambire obu abaire nayiguraho omushomo gw’abarikukurira amarwariro hamwe n’abariisa okuruga omubureeberezi bwa Ankole.

Okucondooza okuruga omu marisa 45 ag’obureeberezi bwa Ankole nikworeka ngu abantu 160 bakashangwa baine endwara ya puresha.

Biishopu Sheldon Mwesigwe arikugambaho n'abashaho hamwe n'abanyadiini..(Photo by Michael Tumwakire)

Biishopu naagira ngu abantu abaingi bakaba batarikukimanya nikwo kwehanangiriza abatuura okuguma nibakyebeza kumanya amagara gaabo okugari.

Biishopu Sheldon Mwesigwe arikugambaho n'abashaho hamwe n'abanyadiini..(Photo by Michael Tumwakire)

Omushomo ogu gubaire aha ofiisi z’obureeberezi kandi gutebeekanisiibwe aba Joint Medical Stores, abegyeise abashaho aba okubashemerire okureebuza emibazi eyi barikubaheereza n’okumanya oku abashaho bashemerire okumanya emibazi n’endwara ezirikuteganisa abatuura omukyanga kyabo.

Bamwe abahiikire ahamushomo ogu..(Photo by Michael Tumwakire)

Abaheereza omu marwariro aga bahiigirwe okukoresagye sente ezi barikutunga okuruga omubarweire n’okureebeka ngu baguma nibaza omubyanga okuganiraho n’abatuura ahandwara ezitarikuturirana ezirikwita abantu baaba batazikyebeize kare bakazijanjaaba nka puresha na shukari.

#WestUpdates