Enkumi n'enkumi y'abantu baahika ahakwiruka okwa 'Rotary Cancer Run'

Enkuyanja baahika aha Rotary Cancer Run – Sheema

N’ebya Bruno Mugizi

Enkumi n’enkumi y’abantu bayejumbira omukwiruka okwa ‘Rotary Cancer Run’ ahakishaayi ekya Kabwohe omu Munisiparite ya Sheema akasheeshe aka.

Okwiruka okw’omwaka ogu kubeire kuri ahansi y’omutwe, ‘Okwirukangira amatsiko”.

Enkumi n'enkumi y'abantu baahika ahakwiruka okwa 'Rotary Cancer Run'

Obu yaaba naasibura abairuki ahakishaayi eki, Jemimah Buhanda, ow’entebe yakataano ahabwa Sheema yashaba gavumenti okuhitsya haihi abantu obuheereza bw’ekokoro omumarwariro ag’omubyaro.

Ogu yaagira ngu obuheereza obu bwahika haihi n’abantu, nikibahwera kwekyebeza bakamanya endwara etakakuzire.

Enkumi n'enkumi y'abantu baahika ahakwiruka okwa 'Rotary Cancer Run'

Kyomugisha Fatima, Purezidenti wa Rotary Club eya Kabwohe, yaagira ngu barundana shiringi miriyooni 4.8.

Ogu hoona yahabura abantu obutarya ebyokurya by’ebishaju bingi nk’omuringo gw’okwetantara ekokoro.

Okwiruka okw’omwaka ogu kugyendereire okurundana biriyooni 2 z’okuheza kwombeka waadi y’ekokoro ah’eirwariro erya Nsambya.

#WestUpdates