Okwiruka kw’okurwanisa ekookoro, abanya Uganda bashabwa okwekyebeza n’okwerinda...(Photo by Thomas Tumwebaze)

N’ebya Thomas Tumwebaze
 
KAGADI:

Obwo eihanga ryona riri omuhururu y’okurwanisa endwara y’ekookoro, eriizooba habaho okwirukanga obwe barikushoroza esente ez’okwombeka ekishengye ky’okujanjaabiramu endwara egi ah’eirwariro erya Nsambya, Kampala.

Omuri Kagadi beirukanga kilo meter 8 okwetorora etauni ya Kagadi.

Dr. Pascal Kisembo, ori Medical Officer ah’eirwariro erya St. Ambrose HCIV naagira ngu ekookoro ezirikukanya harimu ey’amabeere, ey’omubasheija hamwe n’eyahamunwa gwa nyinenda omu bakazi kandi ngu ezi niziita munonga.

Okwiruka kw’okurwanisa ekookoro, abanya Uganda bashabwa okwekyebeza n’okwerinda...(Photo by Thomas Tumwebaze)

Dr. Kisembo nagumizamu agiira ngu ehururu egi neza kuhweraho abantu okumanya akabi k’ekookoro, okukyebeza hamwe n’okwetangira nikwo batakwatwa endwara egi.

Grad Benda, ori President wa Rotary Club eya Kagadi kandi ori Country Director wa ‘World Voices Uganda’ naagira ngu buri munya Uganda oine eky’arikubaasa kutaho okureeba ngu ekyishengye ky’okujanjaabiramu ekokoro kyayombekwa nayakiirwa omuhururu egi.

Okwiruka kw’okurwanisa ekookoro, abanya Uganda bashabwa okwekyebeza n’okwerinda...(Photo by Thomas Tumwebaze)

Benda naagira ngu ekookoro neza kuhwaho twakwatanisa hamwe.

Josephine Nampewo, ori omuhwezi wa Vice Chancellor wa African Rural University kandi owaba omwiruki mukuru naagira ngu kihikire okwejumbira omuhururu y’okurwanisa ekookoro ahabw’okuba ngu abantu beingi nibeitwa ekookoro omu eihanga.

Okwiruka kw’okurwanisa ekookoro, abanya Uganda bashabwa okwekyebeza n’okwerinda...(Photo by Thomas Tumwebaze)

Omu Uganda, ekokoro erikukizayo kwita abantu n’eyahamunwa gwa nyin’enda ningashi Cervical Cancer erikuretwa akakooko aka human papillomavirus (HPV) omu bakazi.

Okwiruka kw’okurwanisa ekookoro, abanya Uganda bashabwa okwekyebeza n’okwerinda...(Photo by Thomas Tumwebaze)

Aha kiro eki nihaza kubaho okukyebera n’okujanjaaba ekokoro, okuheereza obuhabuzi ahaby’amagara hamwe n’obundi buheereza nk’amateeka, eby’esente n’ebindi.

#WestUpdates