Entumwa ya EU nesiima UPDF ahabw’okureetaho obusingye omu East Africa...Courtesy Photo

N’ebya Charles Etukuri

Entumwa y’ekigombe ekya European Union ahabw’ekyanga ekya Great Lakes, Ambassador Johan Borgstam abugaineho Gen. Muhoozi Kainerugaba, Omuduumizi w’amahe ga UPDF aharwakataano, 8/11/2024.

Ekihandiiko kuruga omu ofiisi ya Gen. Muhoozi nikyoreka ngu abeebembezi bombi baganiire ahanshonga y’eby’okwerinda omukyanga, operatekikwekweto ekya Operation Shujaa hamwe n’ekwatanisa ahagati ya EU na Uganda.

Entumwa ya EU nesiima UPDF ahabw’okureetaho obusingye omu East Africa...Courtesy Photo

Ambassador Borgstam asiimire amahe ga UPDF ahabw’omurimo ogukozirwe omu kureetaho obusingye, obumwe n’eby’okwerinda omukyanga.

Ogu hoona araganiise kwongyera enkwatanisa nungi ahagati y’ekigombe ekya European Union hamwe na Uganda.

Entumwa ya EU nesiima UPDF ahabw’okureetaho obusingye omu East Africa...Courtesy Photo

Ambassador Jan Sadek, obaire akuriire tiimu ya EU omu Uganda hamwe n’omuhwezi we, Guillaume Chartrain baahikire omu rukiiko oru ahakitebe kikuru kya SFC omuri Entebbe.

UPDF ekakwatanisa n’amahe ga DRC omukikwekweto ekya Operation Shujaa n’ekigyendererwa ky’okurwanisa n’okumaraho abahekyera ba ADF kuruga omuri Congo.

Entumwa ya EU nesiima UPDF ahabw’okureetaho obusingye omu East Africa...Courtesy Photo

Eki nikijaho bwanyima ya ADF okuguma nibataahirira Uganda na DRC aaharimu na bomu 2 ezibateire omuri Kampala Okwikumi na kumwe 2021.

Oihireho DRC, amahe ga UPDF gagyerizeho kureetaho obusingye omumahanga nka Somalia, South Sudan n’ahandi.

#WestUpdates