Empaka z'amashomero ga siniya..(Photo by Aloysius Byamukama)

Ezaarabaho okuza omu ruzaana rwa tiimu 16 – Kabale

N’ebya Aloysius Byamukama

Empaka z’amashomero ga siniya zataaha omu kiro kya 5 zirikuhiindira omuri Kabale eriizooba kandi tiimu zayongyera kurwanira emyanya okuraabaho okuza omu ruzaana wa tiimu 16.

Omu netball, tiimu zoona ezijwekiire ekyanga kya Burengyerwa-izooba zaruga omu mpaka zitahikire omu ruzaana rwa tiimu 16, ahi za kirimaani ezirimu Kitende, St Noa, Buddo, Kibuli, Ngando, Kimanya n’ezindi nizo zarabaho okuzaana oruzaana oru nyencakare.

Empaka z'amashomero ga siniya...(Photo by Aloysius Byamukama)

Omu Volleyball, tiimu ezirimu St Augustine, Ntare School, St Jerome, St Elizabeth, Immaculate Heart nizo zaaba zaarabireho kandi St Joseph, Mbarara High, Maryhill, zaasiinga emizaano yaazo eriizooba okutangaaza emigisha y’okurabaho.

Omu kwirukanga, empangare Mercy Kemigisha owa Nyabubare Bushenyi yaahika omu z’akamariirizo okwirukanga ekikumi kandi empangare endijo okuruga Mbarara yaahika omu z’akamariirizo omukurekyere ekibaango.

Empaka z'amashomero omuri Kabale..(Photo by Aloysius Byamukama)

Omu volleyball y’ahamushenyi St Kagwa yasingirwa omu kota fayinozi nikwo Bukedia Progressive na Standard High Zzana kurabaho kuza omu fayinozi ezirikuza kubaho nyencakare.

Haabaho n’empaka z’okwirukanga, okuguruka, okurekyera n’endiijo, kandi emizaano endiijo erimu rugby, basketball, football negumizamu nyencakare.

#WestSports