Kampuni ya Summa neiha kwombeka ekyombeko ekirimu ebishaayi ahari Lugogo...(Photo by PPU)

Gavumenti ekwatanise na kampuni ya Turkey kwombeka ekishaayi ky’eby’emizaano ahari Lugogo

N’ebya Omushaki Waitu

Gavumenti ya Uganda ekwatanise na kampuni y’eby’okwombeka eya Summa kubaasa kwombeka ekyombeko ky’okutamu ekishaayi ky’eby’emizaano ekirikwija kushutamisa abantu 15,000.

Ekyombeko eki nikija kwombekwa ahari National Council of Sports ahari Lugogo omuri Kampala.

Purezidenti Yoweri Museveni arikugambaho na tiimu kuruga omu Minisiture y'eby'obwegyese na kampuni ya Summa...(Photo by PPU)

Ebi bigambirwe obu Purezidenti Yoweri Museveni, Minisita w’eby’obwegyese n’emizaano, Maama Janet Museveni, Minisita w’eihanga ow’eby’emizaano, Peter Ogwang babaire nibabuganaho abakuru kuruga omu Summa Construction Company nyomwabazyo.

Purezidenti President Museveni ayaakiire kampuni ya Summa omu Uganda kandi araaganise obushagiki bwa gavumenti kwombeka ekyombeko eki.

Minisita w'eby'obwegyese n'emizaano, Maama Janet Museveni...(Photo by PPU)

Minisita w’eby’obwegyese n’emizaano, Janet Museveni asiimire Hon. Ogwang na tiimu ye ahabwa purogyekiti egi erikwija kutunguura eby’emizaano omu eihanga.

Ekyombeko eki nikija kuba kirimu ekishaayi ekihango kirikushutamisa abantu 15,000, ekishaayi ekikye ekirikushutamisa abantu 3,000, ‘swimming pool’, na hostel erikuhikamu abantu 60.

Murat Altun, Summa Project Manager...(Photo by PPU)

Ekyombeko eki nikija kuba kirimu ebishengye 120 by’okuraaramu, amaduuka, gym n’ebindi.

Mr. Murat Altun, Manegya wa za purogyekiti omu kampuni egi agiizire ngu behaireyo kukora purogyekiti egi kandi nibaija kugimara omu bwire.

Minisita w'eihanga ow'eby'obwegyese n'emizaano Peter Ogwang...PPU Photo

Ogu agiizire ngu kampuni ya Summa Construcion Company baakozire purogyekiti nyingi omumahanga agandi nka Rwanda.

#WestSports