Omurimo gw’okuheereza abantu esente za kafuna gutahirwemu abafere baingi abarikwiha aha bantu esente nyingi kandi abandi aba Kafuna nibiiba ebintu by’abantu nk’amataka, amaju, emotoka n’ebindi.

N’ebya Omushaki weitu

Gavumenti n’ey’okwija kutaho ebiragiro bigumire ahabarikuguza abantu esente beete aba kafuna bwanyima y’abantu baingi kuguma nibetomboita.

Omurukiiko rwa kabineti orwashutamire wiiki ehwaire, bagizire ngu omurimo gw’okuheereza abantu esente za kafuna gutahirwemu abafere baingi abarikwiha aha bantu esente nyingi kandi abandi aba Kafuna nibiiba ebintu by’abantu nk’amataka, amaju, emotoka n’ebindi kurabira omu kubakoresa endagaano nk’abaabaguza ebintu ebyo baaba nibaheereza abantu esente za kafuna.

Dr. Chris Baryomunsi, Minisita w’eby’amakuru n’okumanyisa eihanga, naagira ngu gavumenti obwa hati neyenda kuta ebiragiro bigumire aha ba kafuna obwo amaani garikuteebwa aha magoba agu barikwiha ahabantu, emikorere yaabo hamwe n’emiringo ei barikukoresa kubanja abantu abu barikuba bahaire esente za kafuna.

Obwa hati, abantu nibashabwa okuguma nibeeguza esente omu bitongore ebirikuguza abantu esente ebyine layisinsi ahabw’okwenda kwerinda okufeerwa ebintu byabo n’okuteeganisibwa okundi.

#WestUpdates