Molly Katanga arikureebukaho omu maisho ga kooti ya Nakawa. Photo by Farooq Kasule.

N’ebya Farooq Kasule

KAMPALA

Molly Katanga, omukazi w’omushuubuzi owaitsirwe Henry Katanga yateebwaho omushango gw’okwita omushaija we kandi yasindikwa aha rumanda omu kihome kya Luzira.

Eriizooba Orwakashatu, Molly Katanga yareebukaho omu maisho g’omuramuzi wa kooti ya Nakawa, Elias Kakooza owamushomera omushango gw’okwita.

Molly, 53, yareebukaho omu kishengye kya kooti kandi bwanyima y’akaire kakye yateebwa omu kihome kya kooti atakatwirwe mu kooti.

Molly atwire naragurirwa ah’eirwariro erya International Hospital in Kampala (IHK) ahi yatwirwe ebiro 02/11/2023 bwanyima y’ekikorwa ky’obwitsi eki kuheza kubaho.

Okwija kwa Molly omu kooti nikwijaho bwanyima y’okumutaho ekibaruha kya munkwatire aharw’okubanza.

Molly tiyayikirizibwa kugira ekiyagamba kandi yasindikwa omu kooti enkuru kuba niyo yahozesibwa bwanyima y’omuhababi mukuru wa gavumenti, Jonathan Muwaganya kugambira kooti ngu okucondooza omu mushango ogu kuhwire.

Obuhababi nibugira ngu ahabiro 02/11/2023, Molly akaita iba Henry Katanga omu maka gaabo omu kyaro ekya Mbuya omuri Nakawa Divijoni, Kampala.

Katanga, orikumanywa munonga nk’owabaire naheereza abantu esente za kafuna naagambwa kuba yayitsirwe obuhuta bw’amasasi obu yatungire omu mutwe bwanyima y’okugira obuteikirizana n’omukazi we (Molly Katanga).

#WestUpdates