Gavumenti na kampuni ya SAMCO bakozire endagaano kukora ekishaayi ekya Akii Bua...(PPU Photo)

N’ebya Omushaki Waitu

Kampala:

Gavumenti ya Uganda ekozire endagaano na Kampuni eya SAMCO National Construction Company eya Egypt kwombeka ekishaayi ekya Akii Bua omu rurembo orwa Lira.

Purogyekiti egi erikwija kukorerwa omu meezi 20 neija kumaraho dollar miriyooni 129.

Ekishaayi ekya Akii Bua n’eky’okushutamisa abantu 20,000 kandi kirimu omwanya gw’okwirukangiramu, ah’okutendekyerwa, ekishaayi ky’omunda, ebishaayi eby’aheru, swimming pool n’ebindi.

Omukoro gw’okukora endagaano egi gubaire aha State House, Nakasero nyomwabazyo kandi gutaayaayisebwe Minisita w’eby’obwegyese n’emizaano, Janet Kataaha Museveni.

Ahamukoro ogu, Mrs. Museveni ahaireyo ekyaapa kya hika 18.455 ah’okwombeka ekishaayi ahari Ambrose Tshobya ori Chairperson w’akakiiko k’eby’emizaano.

#WestSports