Gavumenti yaaha amashomero omuri Kashari ebitabo birikuhika 50,000

Evans Taremwa, Kashari MBARARA

Eriizooba Gavumenti yaaheereza amashomero 14 ebitabo by'okushomesezamu omuri Kashari mbarara.

Evans 2

Ebitabo ebi byaheebwa amashomero goona agari omuri Kashari ey'amatemba aga Gavumenti n'ag'abantu-buntu. 

Ebitabo birikurenga 50,000, by'okushomeramu ninga shi Text Books eby'amashomo goona nibyo Gavumenti yaheereza amashomero aga Kashari North. 

Okurugiirira ahari Basil Bataringaya Rwankwene ori MP was Kashari North kandi hoona owaajwekyera Gavumenti yasiima yakwatsa Bakuru b'amashomero ebitabo ebi omubutongore ahamukoro omukoro ogwaba ahambuga za Tauni Kanso ya Rubindi.

Amashomero 14 goona gaajwekyera, kandi baasiima Gavumenti okubazaahuura hamwe n'abebembezi baabo okubashakira. 

Evans 3

Amashomero ag'abantu-buntu hoona nabo baasiima Gavumenti ya President Museveni ahabw'obutabashoroora bagumize ngu bo kyabarenga okushanga ngu nabo ebateire omubageti. 

Omujwekyerwa omu ishengyero Hon. Bazil yayongyera yayehanangiriza bakuru b'amashomero obutabiika ebitabo ebi, ngu okwihaho bateereho abeegi embeera y'okubikozesa.

#WestUpdates