Abany'eishengyero ba Mbarara abatunga obuhwezi bw'ebyokurya kuruga omu OPM..(Photo by Evans Taremwa)

OPM yaheereza obuhwezi bw’ebyokurya aba Mbarara

N’ebya Evans Taremwa

Eriizooba disiturikiti ya Mbarara yatunga obuhwezi bw’ebyokurya ahabw’abantu abahikirweho ekigwereerezi ky’enjura y’eihunga n’orubaare omumeezi agahweire. 

Obuhwezi obu bwayakirwa, abeebembezi ba disiturikiti, abaaba beebembirwe Margaret Rwebyambu, Omuny’eishengerokazi ahabwa Mbarara hamwe na Bazil Bataringaya MP wa Kashari North. 

Obuhwezi bw’ebyokurya okuruga omu ofiisi y’engazi y’eihanga bwahika ahambuga nkuru za disiturikiti ya Mbarara omuri Bwizibwera eihangwe eri. 

Omuny'eishengyerokazi wa Mbarara, Margret Rwebyambu na MP Bazil Bataringaya

Okurugiirira aha omuny’eishengyerokazi wa disiturikiti ya Mbarara, Margaret Rwebyambu, enyumaho, enjura y’eihunga hamwe n’orubaare bikateera emisiri y’abantu omubicweka bimwe omu disiturikiti kandi nangwa n’amaju g’abantu agamwe gakatwarwa eihunga.

Obuhwezi burikwingana kiro 30,000 y’obuhunga hamwe na kiro 15,000 z’ebihimba nibyo byaheebwa disiturikiti yoona.

Hon. Bazil Bataringaya owataakira obuhwezi obu

Abeebembezi basiima gavumenti ahabw’obuhwezi obu.

Didas Tabaro, mukuru w’entebe yakataano ahabwa Mbarara yasiima gavumenti ya NRM na Ofiisi y’enganzi y’eihanga ahabw’okwijuka abateganisiibwe ekigwereerezi omuri Mbarara.

#WestUpdates