Milly Babalanda, Minisita w'enshonga z'obwa Purezidenti...(Photo by Isaac Nuwagaba)

Jinja kutaayaayisa emikoro y’ekiro kya NRM ey’omwaka ogu

N’ebya Isaac Nuwagaba

Jinja niyo erikwija kutaayaayisa emikoro y’ekiro kya NRA ey’okuzaahura eihanga ahabw’omwaka ogu.

Emikoro egi neija kubaho Orwakataano oru, 26/1/2024 ahakishaayi ky’eishomero erya St. John SSS Wakitaka omu rurembo orwa Jinja.

Emikoro egi ey’omurundi gwa 38 neija kujagurizibwa ahansi y’omutwe, “Okwombeka eihanga eri twena turikwesiimisa, ekiri omu manifesto ya NRM eya 2021-2026 nk’oku yaragaanise kutaho Uganda nungi.”

Abagyenyi barikurenga 800 kuruga omu Uganda n’aheeru  y’eihanga nibo betsirwe kwija ahamukoro ogu.

Minisita w’enshonga z’obwa Purezidenti, Milly Babalanda yaagira ngu abantu 53 abarimu n’owabaireho Kyabazinga wa Busoga, Henry Wako Muloki nibo barikwija kuhebwa emidaari kubasiima emirimo ei bakoreire eihanga.

#WestUpdates