Omupiira ogu guzaaniirwe aha kishaayi ky’eishomero erya Kagadi SS. Photos by Thomas Tumwebaze.

N’ebya Thomas Tumwebaze

KAGADI

Obwo empaka z’ekikopo ekyateirweho Omuduumizi wa Police omu eihanga, Abbas Byakagaba ekya IGP Football Tournament zirikugumizamu omu maisho, Kagadi Pooriisi egwire makazi na Kakumiro Pooriisi na gooro 1:1.

Tiimu zombi zitandiikire n’amaani mingi kandi Kagadi Pooriisi niyo ebandize kuteeba omu kicweka kya kabiri reero aba Kakumiro nabo bakateeba omu dakiika ez’ahamuheru nikwo kuhendera guri 1:1.

SP Kenneth Ampurira, Omuduumizi wa Police ahabwa Kagadi na SP Moris Niyonzima, Omuduumizi wa Police ahabwa Kakumiro nibagira ngu empaka ezi zibahweriire kumanyana, okurinda amagara gaabo n’okumanyana n’omuntu w’aburaijo.

Omupiira ogu guzaaniirwe aha kishaayi ky’eishomero erya Kagadi SS.

Aba nibagira ngu entaranta zaabo zitandiikire kurugayo.

SP Pellan Busingye, omutendeki wa Kagadi Police FC asiimire mukuru wa Pooriisi, Abbas Byakagaba ahabw’okubateeraho emizaano ebahweriire kukora ebisaasaayizi bakaguma baine amagara marungi.

SP Busingye naagira ngu baine emizaano endaijo nk’okwiruka, okuzaana Volleyball n’endiijo.

Vincent Ssemuga, omuhwezi wa ceeyamaani wa disiturikiti eya Kagadi ashabire abatuura ba disiiturikiti ezi 2 okwejumbira omu mizaano babaase  kutunguura entaranta zaabo n’okuguma baine amagara marungi.

Ssemuga naagira ngu emizaano negaita hamwe abantu, ereetaho obusingye n’okutunga emikago.

Omupiira ogu guzaaniirwe aha kishaayi ky’eishomero erya Kagadi SS.

Mukuru wa Pooriisi, Abbas Byakagaba otebeekaniise empaka ezi ahagati yaba Pooriisi boona okwetorora eihanga naagira ngu zigyendereire kubahwera kuguma bari fiiti obwo eihanga ririkwetegurira akaruuru ka boona omu mwaka gwa 2026.

#WestUpdates