Tiimu y'abazaani ba Mbarara City FC omu kwetegurira ogwa NEC omu za Uganda Premier League Orwakataano ebiro 15/09/2023.. Photo by Levi Muhaburane.

N’ebya Levi Muhaburane

MBARARA

Tiimu ya Mbarara City FC yaatadika kubi empaka za Uganda Premier League ezatandika eriizooba bwanyima y’okusiingwa kiraabu ya NEC FC na gooro 1:0.

Omuzaano ogu gwazanirwa omu kishaayi kya Kakyeka omu rurembo orwa Mbarara eriizooba Orwakataano.

Omuhwezi wa kooti wa Mbarara City FC, Zaid Byekwaso yaagira ngu tiimu ye etungiremu obuzibu obuteganiise abazaani ekyareetera baasingwa omuzaano ogu. 

Yaagira ngu baine amatsiko g’okwija kukoragye omu mizaano erakurateho.

Bamwe aha beebembezi abarimu Omuny'ishengyero wa Mbarara City South Mwine Mpaka, Omuny'ishengyero wa Buhweju Francis Mwijukye n'abandi aha muzaanp gwa Mbarara City FC na NEC omu kishaayi Kakyeka. Photo by Levi Muhaburane.

Bamwe omu bahagizi ba tiimu ya Mbarara City FC tibashemererwa aha ku tiimu egi yazaanamu omu muzaano gwayo gw’okubanza gw’okwiguraho empaka ezi baagira ngu tibakehwire matsiko tiimu yaabo neija kukoragye.

#WestSports