Omuhandiiki w'entuura omu minisiture y'eby'amagara, Dr. Diana Atwine.

N’ebya Dallen Namugga

Omuhandiiki ‘wentuura omu minisiture y’eby’amagara, Dr. Diana Atwine nashaba abanyamakuru okuhandika amakuru agahikire agarikwombeka eihanga.

Atwine agambire ebi omu kiganiiro ky’okuhaana amagyezi aha mwoga gw’abanyamakuru abarikuhandiika agarikukwata aha nshonga z’eby’amagara n’obuheereza omu marwariro omu eihanga. Ekiganiiro eki kibaire ah’eitendekyero erya Makerere University omuri Kampala ahabiro 25/10/2023.

Abanyamakuru abarikuhandiika amakuru agarikukwata aha nshonga z’eby’amagara n’obuheereza omu marwariro omu eihanga abahikire omu kiganiiro ekibaire ah’eitendekyero erya Makerere University omuri Kampala ahabiro 25/10/2023.

Dr. Atwine agizire ngu okumanyisana omu nshonga z’eby’amagara nikikuru munonga arikugira ngu okuhandiika amakuru gagwire nikibaasa kureetaho emihondano omu bantu.

Atwine agizire ngu tikirikukora makuru kuhandiika amakuru mabi g’ekintu kimwe reero bakabura kugandiika aha bintu birungi ebi abahangu omu by’amagara bakozire.

“Omwaka oguhwaire, tukazaaza abakazi 100,622 kandi tukafeerwa abakazi 189 bonka, Beitu, omukazi omwe ku arikufa nikikora amakuru reero kiza buri hamwe aha mikura ya social media. N’abantu bangahi abarikuragurirwa kandi bakahwerwa reero mukabura kubagambaho,” Atwine arikwongyera kushoborora.

Okurugiirira ahari Dr. Atwine, abanyamakuru nibanga kuhandiika aha makuru amarungi agakubaasa kureetera abanya-Uganda kwesimira omu eihanga ryabo.

Naagira ngu minisiture y’eby’amagara negumizamu n’okukorera eihanga eri beitu nibatunga okuhakanisibwa kwingi kuruga omu bantu.

#WestUpdates