Minisita Janet Museveni yatabarusya Cheptegei ahabw’okuhangura Gold

Minisita Janet Museveni yatabarusya Cheptegei ahabw’okuhangura Gold

N’ebya Ivan Tsebeni

Minisita w’eby’obwegyese n’emizaano, Janet Kataha Museveni yatabarusya omwiruki w’ebiraingwa, Joshua Cheptegei ahabw’okuhangura omudaari gwa Gold omumpaka z’okwiruka ez’abashaija eza mita 10,000.

Empaka ezi ziriyo nizigyenda omumaisho omuri Budapest omuri Hungary.

Mrs. Museveni yaagira ngu obusinguzi obu n’obw’omutaano ahari Uganda.

Omwabazyo gwa nyomwabazyo aha Sunday, Joshua Cheptegei asiingire empaka ezi ahadakiika 27.51.42 obwo arikuba omushaija wakana omubyafaayo okusiingura empaka 3 zikurataine.

Ogu yahitsya emirundi eshatu arikuhangura emidaari ya Gold; 2019, 2022 na 2023 omumpaka z’okwiruka omuri Oregon na Doha.

Cheptegei abaire akuratiirwe Daniel Ebenyo owa Kenya hamwe na Selemon Barega owa Ethiopia.

#WestSports
#WorldAthleticsChamps