Minisita Kitutu nagaruka omu kooti eriizooba ahaby’amabaati.

N’ebya Michael Odeng

Minisita w’enshonga za Karamoja, Goretti Kitutu, orikujunaanwa okubuzabuza amabaati ga Karamoja naagaruka omu kooti erikurwanisa obushomankuzi omuri Kololo eriizooba.

Kitutu, nabwo ori omuny’ishengyero-kazi wa Manafwa akateebwaho omushango na munyanya, Micheal Naboya Kitutu hamwe n’omuhwezi we, Joshua Abaho.

Minisita najunaanwa emishango 2 ey’okubuzaho ebintu n’ogw’obushuma. Naboya najunaanwa okuguza ebintu by’enyibano kandi Abaho najunaanwa ogw’obushomankuzi.

Abashatu aba nibateekateekwa kureebukaho omu maisho g’omuramuzi wa kooti erikurwanisa obushomankuzi, Joan Aciro kumanya ahi okucondooza emisango yaabo kwahika.

Obuhababi nibugira ngu Kitutu ahagati y’okwezi kwa 6, 2022 n’okwokubanza, 2023 omu sitoowa za ofiisi y’enganzi y’eihanga omuri Namanve, akatwara amabaati 9,000 aga gauge 28 agabaire gari og’okuheebwa abantu abatarikwebasa omu kyanga ekya Karamoja.

#WestUpdates