Minisita Sarah Mateke Nyirabashitsi yaafa

N’ebya Omushaki Waitu

Omuny’eishengyerokazi wa disiturikiti ya Kisoro kandi Minisita w’eihanga ow’enshonga z’amahe n’abaazirwanireho, Sarah Mateke Nyirabashitsi yaafa.

Omugambirizi wa Minisiture y’enshonga z’amahe, Brig. Gen. Felix Kulayigye yahamya amakuru aga agumize ngu Minisita yaafa akasheeshe k’eriizooba bwanyima y’okwirukangiziibwa omu eirwariro erya Mengo.

Gen. Kulayigye yaagira ngu Mateke abaire ari omu ofiisi nyomwabazyo kandi yaaba ari ow’okuza omu eihanga erya South Korea eihangwe eri.

Minisita Mateke ni muhara w’owabaireho Minisita w’eihanga w’enshonga z’aheeru y’eihanga, Philemon Mateke.

Ogu akazaarwa ebiro 15/7/1974 omugomborora ya Chahi omu disiturikiti ya Kisoro.

Dr. Chris Baryomunsi, Minisita w’eby’amakuru na tekinologiya yaagira ngu nibaija kuba nibamanyisa eby’entebeekanisa y’okuziika.

Mateke akatooranwa nka Minisita w’ekikura ky’abantu ahabw’enshonga z’eminyeeto n’abaana Purezidenti Yoweri Museveni omukwamukaaga 2021, arikuza omubigyere bya Florence Nakiwala Kiyingi.

Ogi aizire yatooranwa nka Minisita w’eihanga w’enshonga z’amahe n’abaazirweineho Okwakana omwaka ogu.

#WestUpdates