Purezidenti Museveni, Paramenti kwinamira Minisita Mateke

N’ebya Charles Etukuri

Purezidenti Yoweri Museveni naija kwinamira obaire ari Minisita w’eihanga ow’enshonga z’amahe n’abaazirwaineho, Sarah Mateke Nyirabashitsi aha Paramenti aharwakabiri, 10/9/2024.

Adolf Mwesiga Kasaija, Karaani wa Paramenti omukihandiiko eki ashohoize nyomwabazyo ashabire abanyeishengyero kwija omu rushutamo rw’orwakabiri kubaasa kwinamira obaire ari mutahi waabo.

Ogu naagira ngu omubiri gw’obaire ari omuny’eishengyerokazi wa Kisoro nigwija kuretwa omu Paramenti omu eihangwe kubaasa kwinamirwa abany’eishengyero n’abantu.

Nabwanyima nihaija kubaho okushutama kwa Paramenti kw’omutano ahari shaaha 8 z’eihangwe kugira ngu abany’eishengyero bakamwinamira n’okumugambaho.

Hoon ana Purezidenti Museveni naija kuba nayinamira omubiri gwa Nyirabashitsi.

Sarah Mateke Nyorabashitsi afiire akasheeshe k’Orwamukaaga obu abaire ariyo natwarwa omu eirwariro erya Mengo kutunga obujanjaabi bwaho-naaho bwanyima y’okutunga obusibu bw’omutima.

Ogu naija kuziikwa Orwakana, 12/9/2024, omuri Nyakabingo omuri Kisoro.

#WestUpdates