Mao nashaba ba memba b’ekigombe ekya DP abarikwenda kugaruka omu kigombe kyabo kugaruka arikukyoreka ngu ekigombe tikirikwij kubazibira.

N’ebya omushaki weitu

MENGO

Purezidenti w’ekigombe ekya Democratic Party (DP), Nobert Mao nashaba ababaire bari ba memba b’ekigombe abarikwenda kugaruka omu kigombe kyabo okugaruka betaine kutiina kwona arikugira ngu baine obugabe bw’okugaruka n’obu baraabe babaire bebaganiisemu.

Nagira ngu ekigombe kiriyo nikyeteebekanisiza akaruuru ka 2026 kandi abantu bashemereire kwegaita hamwe bakateereza ekigombe kyabo.

Mao nashaba ba memba b’ekigombe ekya DP abarikwenda kugaruka omu kigombe kyabo kugaruka arikukyoreka ngu ekigombe tikirikwij kubazibira.

Omu mwaka gwa 2020, abany’ishengyero 11 ababaire bari ab’ekigombe ekya DP bakaruga omu kigombe eki baaza omu kigombe ekya National Unity Platform (NUP) ekirikwebemberwa Robert Kyagulanyi Ssentamu orikumanywa munonga nka Bobi Wine.

Omu kugambaho omu rukiiko rw’abanyamakuru orw’ekigombe orwa buri wiiki orubaire aha kitebe kikuru ky’ekigombe omuri Mengo, Kampala nyomwebazyo, Mao agizire ngu ekigombe kye kiriyo nikitaho oburyo kwiguraho ofiisi 16 ensya omu eihanga ryona.

#WestUpdates