Purezidenti Yoweri Museveni abugaineho Omukama w'obukama bwa, Yoruba w’omu eihanga erya Nigeria, Adeyeye Enitan Ogunwusi omuri Ntungamo aharwamukaaga. PHOTOs: PPU.

N’ebya Beth Akatukunda

NTUNGAMO

Purezidenti Yoweri Kaguta Museveni abugaine kandi yagaaniira n’omukama w’obukama bwa Yoruba w’omu eihanga erya Nigeria, Adeyeye Enitan Ogunwusi omu disiturikiti eya Ntungamo.

Purezidenti Yoweri Museveni abugaineho n’omukama w’obukama bwa Yoruba w’omuri Nigeria, Adeyeye Enitan Ogunwusi omuri Ntungamo.

Omukama Ogunwusi n’omwe ahankuyanja y’abagyenyi bakuru abahikire aha mukoro gwa Purezidenti Yoweri Museveni n’omukundwa we, Janet Museveni ogw’okujaguza emyaka 50 omu bushwere ogubaire omu maka gaabo omuri Irenga, omu disiturikiti eya Ntungamo aharwamukaaga.

Omukoro gwabo gw’okusiima gukakorerwa ahakanisa ya St. Matthew’s Cathedral, Kyamate omuri Ntungamo.

Purezidenti Yoweri Museveni abugaineho n’omukama w’obukama bwa Yoruba w’omuri Nigeria, Adeyeye Enitan Ogunwusi omuri Ntungamo.

Omu rukiiko rwabo orubaireho nyomwebazyo, Purezidenti Museveni amanyiise Omukama Ogunwusi n’ababaire bamushendekyereize ngu abeebembezi b’obuhangwa bashemereire bakorere hamwe omu kugaita abantu baabo kwonka kutari kubabaganisamu.

Nabwo ayongyeire yabagambira ngu obukama obutoosha bushemereire kugyendera hamwe n'ebishemereire kukorwa kwonka atari nooha orikwenda kukora obwo arikushoboorora ngu ekyo nikihwera abantu kukwatanisa hamwe kumaraho obureemezi obu barikuba nibabugana.

We omu bigambo bye, Omukama Ogunwusi ayebarize Purezidenti Museveni ahabw’obwebembezi bwe bw’okuranzya hare atyo nikwo kuhiga ngu obukama bwe nibwija kukwatanisa na Uganda ahabw’oburungi bw’abantu baabo.

Omukama w’obukama bwa Yoruba w’omuri Nigeria, Adeyeye Enitan Ogunwusi arikugambaho na Purezidenti Museveni muri Ntungamo.

#WestUpdates