His Imperial Majesty, Ooni Adeyeye Enitan Ogunwusi CFR, Ojaja II, The Ooni Of Ife Kingdom, Head Of Yoruba Race worldwide and Co-chair, National Council Of Traditional Rulers Of Nigeria.

N’ebya Beth Akatukunda

Abagabe 4, omugabe-kazi omwe hamwe naba yinvesita batari bamwe ni bamwe aha bakuru kuruga omu mahanga g’aheeru abaheerize kuhika omu Uganda kwetaba aha mukoro gwa Purezidenti Yoweri Museveni n’omukazi Janet ogw’’okujaguza emyaka 50 ei bahisya omu bushwere.

Omukoro ogu nigwija kubaho nyencakare Orwamukaaga omu disiturikiti eya Ntungamo.

Abaheerize kuhika omu Uganda barimu; His Imperial Majesty Ooni Adeyeye Enitan Ogunwusi, Her Regal Majesty Olori Temitope Enitan Ogunwusi na His Royal Majesty, Oba Olufolarin Ogunsanwo.

Bamwe aha bagabe, Omugabe-kazi n'abandi abaheerize kuhika omu Uganda kwetaba aha mukoro gwa Purezidenti Museveni ogw'okuhisya emyaka 50 omu bushwere.

Abandi ni; His Royal Majesty, Oba (Dr.) Adedokun Abolarin na His Royal Highness Prince Adegboyega Ogunwusi.

Aba bakiirwe Biishopu Joshua Lwere orikwebembera ekigombe ky’amakanisa g’abarokore omu Uganda ekya National Fellowship of Born-Again Pentecostal Churches of Uganda (NFBPC), ambasada wa Nigeria omu Uganda, Geoffrey Enyeama hamwe na Meeya wa Entebbe Munisiparite- Fabrice Rulinda omu kasheeshe k’eriizooba.

Aharwakana ebiro 24/08, Purezidenti Yoweri Museveni n’omukazi we Janet bahikize emyaka 50 omu bushwere kandi bakagaitirwa omu kanisa ya Turnham Green Church, omuri Bungyereza omu mwaka gwa 1973.

#WestUpdates