Purezidenti Yoweri Museveni aharuteerane rw'okushomesa abantu ba disiturikiti eya Kween ahari Puroguraamu ya PDM ebiro 12.12.2024. PHOTOs by PPU.

N’ebya Beth Akatukunda

KWEEN

Purezidenti Yoweri Kaguta Museveni nahabura b’omu kyanga ekya Sebei okukoresa entunguuka n’obusingye ebiri omu Uganda kuruga omu bworo.

Purezidenti Museveni nashaba abantu ba Sebei okwejumbira omu puroguraamu ya PDM n'ey'okureetaho obutungi omu maka gaabo.

Purezidenti agambire ebi nyomwebazyo aharuteerane omu disiturikiti eya Kween obu abaire nahendeera orutaayaayo rwe orw’ebiro 3 orw’okushwijuma oku puroguraamu y’entunguuka y’emiruka eya PDM n’ey’okureetaho obutungi ziriyo niziteebwa omunkora omu kyanga ekya Sebei.

Purezidenti Museveni aharuteerane rw'okushomesa abantu aha puroguraamu y'okureetaho obutungi n'eya PDM aha kishaayi kya Binyiny omu disiturikiti eya Kween ebiro 12.12.2024.

Museveni nakyoreka ngu abantu abaine amataka makye okugakoresagye barikwejunisa enkora eya Four Acre Model Plan babaase kwetunguura barugye omu bworo.

Purezidenti Museveni nashaba abanya-Uganda okuta amaani ahakureetaho obutungi omu maka gaabo arikushoborora ngu ni kikuru munonga omukutunguura eby’entaasya y’amak n’okureetaho empinduka omu eihanga.

Bamwe aha bantu abahikire aharuteerane rwa Purezidenti Museveni aha kishaayi ekya Bunyiny omu disiturikiti eya Kween aharwakana ebiro 12.12.2024.

#WestUpdates