Museveni atongoizeho Piki ya kampuni ya Spiro erikukoresa amashanyarazi omu Uganda ah'eitendekyero ry'eby'obwebembezi ahari Kyankwanzi.. Courtesy Photos.

N’ebya Omushaki weitu

KYANKWANZI

Purezidenti Yoweri Kaguta Museveni atongoizeho piki piki za kampuni ya Spiro ezirikukoresa amashanyarazi aha mukoro ogukoreirwe ah’eitendekyero ry’eby’obwebembezi ahari Kyankwanzi.

Abajwekyerwa kuruga omu kampuni eya Spiro babaire beebembiirwe Odrek Rwabwogo – ori mukuru w’akakiiko akarikuhabura Purezidenti aha nshonga z’okuguza ebintu bya Uganda omu mahanga g’aheeru n’okutunguura amakorero.

Spiro ni kampuni erikukora za piki piki ezirikukoresa amashanyarazi omuri Africa kandi neesiimwa munonga ahabw’entunguuka ei eretsire omu eihanga.

Purezidenti Museveni asiimire kampuni ya Spiro ahabwa tekinologiya ensya egi arikugira ngu za piki ezirikukoresa amashanyarazi nizikira za piki ezirikukoresa amajuta.

Purezidenti nabwo ahamisiririize okwehayo kwa Uganda omu kukoresa emiringo etari emwe n’emwe etarikushiisha by’obuhangwa.

Rosa Malango, Mukuru w’ekitongore ekya Tumaini Africa Knowledge Centre ahamiize Purezidenti ngu abanya-Uganda bakiire tekinologiya ensya egi kandi bagikunzire.

#WestUpdates
#RadioWestAt25