Irene Nakasita, Omugambirizi w’ekitongore ekya Uganda Red Cross naagira ngu emitumbi y’abantu babiri niyo ezoirwe omu wiikendi kuruga omu mwegyemure ogu. Photo by Gilbert Muhanguzi.

N’ebya Omushaki weitu

KASESE

Ekitongore ekya Uganda Red Cross nikigira ngu ebyaro 13 nibyo biteganisiibwe omwegyemure oguretsirweho okwijurirana kw’omugyera gwa Nyamwamba gukabooga omu Munisiparite ya Kasese.

Irene Nakasita, Omugambirizi w’ekitongore ekya Uganda Red Cross naagira ngu emitumbi y’abantu babiri niyo ezoirwe omu wiikendi kuruga omu mwegyemure ogu. 

Omwe aha bafiire n’omushaho-kazi obaire naruga aha murimo kandi abaire ayemereire kuteera ebishushani n’okukwata akatambi ka vidiyo k’amaizi garikutambura beitu eky’obusaasi, amaizi agu abaire ariyo nateera ebishushani gamweyeriire gamwita.

Omuntu owakabiri ofiire n’omushaija, nawe obaire aizire kureeba oku omugyera gwabooga. 

Ogu ahu abaire ayemeriire hatengukire nikwo kubomoka nawe akahendera agwire omu maizi.

Nakasiita nayenda abantu okukuratira emiringo eteirweho.

#WestUpdates