Obwa hati, emotoka eziine abashabaazi barikuhika 28 nizo zirikwikirizibwa kuraba aha rutindo oru. PHOTOs by UNRA.

N’ebya Omushaki weitu

Gavumenti eriyo neyeteebekanisa kutandika omurimo gw’okuhunduuza orutindo orwa Karuma ahabw’okwenda kuteereza ebyengyenda.
 
Omurimo ogu ogurikuza kumaraho shiringi biryooni 7 nigwija kampuni y’aba China okurugiirira ahari Allan Ssempebwa, Omugambirizi w’ekitongore ky’eby’enguuto ekya UNRA.

Orutindo rwa Karuma orurikushangwa aha ruguuto orwa Kampala-Gulu, nirunywanisa ekyanga ekya Bukizi bwa bumosha hamwe na Bukizi bwa buryo bwa Uganda.

“Tuhaireyo omwanya ogu owa konturakita, NEC UPDF kikwataniise na China Railway Seventh Group (CRSG) abarikwija kuhunduuza orutindo oru,” Ssempebwa arikushoborora kurabira aja mukura gwa X.

Omurimo ogu ogurikuza kumaraho shiringi biryooni 7 nigwija kampuni y’aba China

Aha mukoro gw’okuhayo omwanya ogu ogubaireho nyomwebazyo ebiro 06.07.2024, Minisita w’eihanga ow’eby’enguuto, Musa Ecweru asiimire abantu ahabw’okugumisiriza okuborekire kuruga orutindo oru rukingwaho ahabw’ebimotoka ebihango.

Orutindo orwa Karuma oruri aha mugyera gwa Nile, rukombekwa omu mwaka gwa 1963, bwanyima y’omwaka gumwe, Uganda eherize kutunga okwetegyeka.

Bwanyima y’orutindo kuza omu mbeera mbi, ekitongore ekya UNRA kikakingaho orutindo oru ahabw’emotoka empango kuruga ebiro 06.05.2024.

Obwa hati, emotoka eziine abashabaazi barikuhika 28 nizo zirikwikirizibwa kuraba aha rutindo oru.

Za baasi ezirikushabaaza abantu, eza Lorry n’ebindi bimotoka ebihango eby’emigugu kuruga Gulu, Lira, Kitgum na West Nile n’okugaruka nikahaburwa kukoresa omuhanda ogundi kurabira omu eirindiro ry’enyamaishwa erya Murchison Falls National Park kuza Pakwach nainga Rwenkunye kwambuka kuza aha mwaro ogwa Masindi obwo orikukores eryaato nainga ekidyeeri.

#WestUpdates

#RadioWestAt25