Okuhurira omushango gwa Nandutu nikugarukamu eriizooba

Okuhurira omushango gwa Nandutu nikugarukamu eriizooba
 
N’ebya Michael Odeng   

Okuhurira omushango ahi Minisita w’eihanga ow’enshonga za Karamoja, Agnes Nandutu arikujunaanwa okukoresa kubi amabaati ga Karamoja nikugarukamu eriizooba omu kooti y’okurwanisa obushomankuzi omuri Kampala.

Kooti neza kuba ekuriirwe omuramuzi Jane Okuo Kajuga.

Agnes Nandutu ori omuny’eishengyerokazi wa disiturikiti ya Bududa najwekyerwa ba puriida abarimu Evans Ochieng, Charles Nandaah Wamukoota na John Nalela kandi orubaju oruhababi nirujwekyerwa David Bisamunyu.

Omu kushutama kwa kooti okuhererukire, omuhandiiki wa Ofiisi y’’engazi w’eihanga, Geoffrey Seremba akamanyisa kooti ngu amabaati 1000 ahari 10,000 agarugire omi sitooha zabo omuri Namanve gakatwarwa omu disiturikiti ya Moroto.

Nandutun najunaanwa emishango erimu okukoragana n’ebintu by’enyibano kandi yaheeza kusingisiibwa omushango naija kukomwa emyaka 7.

Nikigambwa ahagati y’Okwamukaga kuta Okwamushanju 2022aha sitooha za Ofiisi y’enganzi y’eihanga omuri Namanve, Nandutu akakira amabaati 2000.

Aharubaju orundi, Minisita w’enshonga za Karamoja kandi Omuny’eishengyerokazi wa disiturikiti ya Manafwa najunaanwa emishango ebiri y’okufeereza eihanga ebintu n’okuza omurukwe rw’okwiba ebintu by’eihanga.

#WestUpdates