Okutongoza purogyekiti y'okutunguura Mitooma HCIV...(Photo by Bruno Mugizi)

Okutunguura eby’amagara omuri Mitooma

N’ebya Bruno Mugizi

Abakuru omu disiturikiti ya Mitooma, abakuru kuruga omu Minisiture y’eby’amagara hamwe n’amahe ga UPDF batongozaho ehururu y’okutunguura eirwariro erya Mitooma HCIV omu disiturikiti egi.

Eirwariro eri erikwija kumaraho biriyooni 22 niryija luba niriraaza abarwaire, riine eizaariro, akabafu n’obundi buheereza kandi niryija kwombekwa ba ingyiniya ba UPDF.

Okutungura Mitooma HCIV...(Photo by Bruno Mugizi)

Arikugamba ahamukoro ogu, Dr. Olara kuruga omu Minisiture y’eby’amagara, owajwekyera Minisita w’eby’amagara yashaba abantu kwejunisa emiringo y’okwetantara endwara omu mwanya gw’okujanjaaba oburwaire.

Benon Karyeija, Ceyamaani w’entebe ya kataano ahabwa disiturikiti ya Mitooma yaagira ngu disiturikiti egi eine ekizibu ky’eibura ry’abakozi b’eby’amagara.

Plan y'eirwariro erikwija kwombekwa..(Photo by Bruno Mugizi)

Enshonga egi nagyegyekyerera Minisiture obutaheereza sente omu bwire ez’okuronda abakozi.

Minisita Gen. Kahinda Otafiire n'abandi bebembezi..(Photo by Bruno Mugizi)

Gen. Kahinda Otafiire, Minisita w’enshonga z’omunda y’eihanga kandi hoona ori Omuny’eishengyero wa Ruhinda yashaba abatuura kuheereza ba konturakita eby’okukoresa nk’omushenyi n’embaho kubaasa kwihamu akasente.

#WestUpdates