Ehururu y’okuheereza abantu obuheereza bwabusha omuby’amagara omuri Bushenyi...(Photo by Bruno Mugizi)

N’ebya Bruno Mugizi 

Bushenyi:

Enkuyanja y’abantu omu disiturikiti ya Bushenyi batunga obuheereza bwabusha omuby’amagara ah’eirwariro erya Ishaka Adventist omu munisiparite eya Bushenyi-Ishaka.

Enkuyanja y'abantu batunga obuheereza bwabusha omuby'amagara...(Photo by Bruno Mugizi)

Kampu egi etebeekanisibwe eirwariro erya Ishaka Adventist bakwataanise n’ebindi bitongore kuruga America haaba harimu obuheereza nk’okukyebera aamaisho n’amaino, okuragurira omushwija gw’ensiri, okukyebeza akakooko ka siriimu, eby’endya n’obundi buheereza.

Aba batunga obuheereza nk'okukyebeza amaisho, amaino, akakooko ka siriimu n'ebindi...(Photo by Bruno Mugizi)

Obu yaaba natongozaho ehururu egi erikwija kukorerwa omu disiturikiti eza Mitooma na Bushenyi omumagomborora aga Kanyabwanga na Ruhumuro, Ceeyamaani wa disiturikiti ya Bushenyi, Jaffari Basajjabalaba yayetomboita ahabw’eibura ry’emibazi y’endwara ezitarikuturirana.

Aba batunga obuheereza nk'okukyebeza amaisho, amaino, akakooko ka siriimu n'ebindi...(Photo by Bruno Mugizi)

Ogu naagira ngu eki kicumbagize obuheereza omuby’emagara.

Dr.Brian Mucunguzi, dayirekita w’eirwariro erya Ishaka Adventist yaagira ngu heyongyeire endwara ezirikuturirana omuminyeto na munonga endwara ez’obushambani.

#WestUpdates
#RadioWestAt25