Abakuru kuruga omu kampuni ya MTN barikwegyesa oku abeegi okukoresa kompyuta ezi bahaire abeegi b'eishomero erya St. Catherine Girls SS omuri Kazo. Photos by Nagudi Fatuma.

N’ebya Nagudi Fatuma

KAZO

Aba kampuni y’eby’empurizana aba MTN bahaireyo kompyuta 10 aha beegi b’eishomero erya St. Catherine Girls SS omu disiturikiti ya Kazo n’ekigyendererwa ky’okutunguura enkoresa y’akanyabwengye na tekinologiya omu mashomero.

Kompyuta ezihairweyo zibaaririirwemu shiringi 65,000,000 omu sente eza Uganda.

Kompyuta ezihairweyo zibaaririirwemu shiringi 65,000,000 omu sente eza Uganda.

Andrew Tusuubira, Omukuru kuruga omu MTN omu kyanga ekya Burengyerwa-izooba naagira ngu eki bakikozire n’ekigyendererwa ky’okugaruriza ba kasitoma baabo.

Nayongyeraho ngu abeegi aba babaire nibatambura omu bicweka bitari bimwe by’eihanga kwonka ngu omuri Kazo, babaire batakahikireyo nikwo kusharamu kwirukangiirira abeegi b’eishomero eri.

Robert Agume, orikukurira eby’obwegyese omuri Kazo naagira ngu aha mashomero 150 agu baine omu kicweka kyabo, amashomero 15 gonka nigo gaine eby’okukoresa omu mashomo ga tekinologiya na kanyabwengye.

Nashoborora ngu eki n’ekizibu ky’amaani ahabw’okuba obwire obu, omurembe oguriho n’ogwa tekinologiya.

Agume asiimire aba kampuni ya MTN ahabw’okuhwera abeegi naaza kompyuta kandi nashaba ebitongore ebindi  nabyo kurugayo bikakwatiraho amashomero gaabo ahabw’okwenda kutunguura enkoresa ya tekinologiya omu mashomero ago.

Mukuru w’eishomero erya St. Catherine Girls SS, Asumpta Autamaya, akyorekire ngu babaire baine kmpyuta 10 zonka ezibaire nizikoresibwa abeegi 500 abarikukora eishomo rya ICT arikwongyeraho ngu zibaire ziri nkye munonga.

Autamaya naagira ngu eki kibaire nikitwara obwire buringwa kuza kumaririza nikwo kusiima aba MTN ahabw’omuganda ogu babahaire.

#WestUpdates