Omukazi obyamire n’ishento bakamuteera kibooko 20, akomiise ab’ekika 4.

N’ebya Omushaki weitu

AMOLATAR

Abeebembezi b’ekika batari bamwe n’abandi bakuru kuruga omu kyaro ekya Acamakicinge omu disiturikiti eya Amolatar basindikirwe omu kihome kumarayo ameezi 20 ahabw’okuteera omukazi ou batuzire okuza omu kikorwa ky’omubonano n’omunyabuzaare.

Abeebembezi aba bacweriire omukazi ou bajunaanire okuza omu kikorwa ky’omubonano n’ishento, okuteerwa kibooko 20 oteireho n’okushashura omutango gwa Shiringi 60,000.

Bana ahabeebembezi b’ekika abarimu Alex Awena owaragiire ngu omukazi ogwo ateerwe kibooko 20, Sam Omunu owakwatsire omukazi bakamuteera, Tonny Alyenyu owayetabire omu kuteera hamwe na James Okwiri orikumanywa munonga nka Olobo owaretsire ekiteiso ky’okuteera omukazi ogwo kibooko 20 boona bareebukireho omu kooti. 

Aba boona baikiriize omushango gw’okuteera omukazi ogu.

Omuramuzi wa kooti y’eidaara ry’okubanza eya Dokolo, Vincent Muzeeyi acweriire abeebembezi b’ekika 4 kukomwa ameezi 20 omu kihome.

#WestUpdates