Tuesday, February 11

Purezidenti Museveni asiimire abaatungire eza PDM omuri Lango.

Purezidenti Museveni n'omukazi we Janet barikugaaniira n'omuhingi n'omuriisa owaatungire esente za PDM, Vicky Apio omu disiturikiti eya Lira. PPU Photos

N’ebya Beth Akatukunda

LANGO

Purezidenti Yoweri Museveni asiimire abantu abaatungire esente za PDM omu kyanga ekya Lango ahabw’okusimuka arikugira ngu okugwejegyera kw’abantu nikyo kikiri ekizibu ky’amaani omu Uganda n’omuri Africa.

“Abantu nibabyama kandi ku orikuba obyami, enjoka nebaasa kwija ekurume otarikukimanya,” Museveni okugamba ebi n’obu abaire ataayaayire omuhingi n’omuriisa w’omutaano, Vicky Apio omu kyaro ekya Alingiri omu tauni kanso eya Amach omu disiturikiti eya Lira aharwakabiri ebiro 28.01.2025. Apio n’omwe ahabantu abaatungire esente za PDM.

Purezidenti Museveni n'omukazi we Janet barikugaaniira n'omuhingi n'omuriisa, Vicky Apio omu disiturikiti eya Lira. Apio naariisa entaama.

Purezidenti Museveni n'omukazi we Janet barikugaaniira n'omuhingi n'omuriisa, Vicky Apio omu disiturikiti eya Lira. Apio naariisa entaama.

Museveni naagira ngu atwire omunshonga y’okureetaho obutungi kumara emyaka 65 kuruga omu bwire obu yabaire ari omu siniya ahi yatandikire arikugamba n’abanyankore ahabw’okuba akaba nashoma ekitabo ekyabaire nikikwata aha ku amahanga agandi gaatungukire.

Okurugiirira ahari Purezidenti, akakora ekibaro ahi yashangire ngu ente z’amate nizibaasa kuhwera abantu kuruga omu bworo.

Purezidenti Museveni naagira ngu egi niyo nshonga ahabw’enki yatandikire ehururu y’okujanjaaza engiri egi omu eihanga arikugambira abantu okutangiisiriza amaizi kandi akakoresa ebigambo by’okureeba ngu abantu bahindura ahamiteekateekyere yaabo kandi bashagike na gavumenti.

Purezidenti Museveni n'omukazi we Janet omu maka ga Vicky Apio, Omuhingi n'omuriisa w'omutaano omuri Lira.

Purezidenti Museveni n'omukazi we Janet omu maka ga Vicky Apio, Omuhingi n'omuriisa w'omutaano omuri Lira.

Ayongiireho ngu gavumenti ekatandikaho puroguraamu ezirimu entandikwa, NAADs, Operation Wealth Creation (OWC), Emyoga, PDM n’ezindi.

Purezidenti abaire ashendekyereziibwe omukazi we kandi minisita w’eby’obwegyese n’emizaano, Janet Kataaha Museveni ah’eizooba rye ry’okubanza omu kurambura kwe kureeba oku puroguraamu ya PDM eriyo neteebwa omunkora omu kyanga ekya Lango. 

Purezidenti n’omukazi we bataayaayire abahingi 3 abarimu Jowel Okello ow’omu disiturikiti eya Amolatar, Vicky Apio kuruga Lira hamwe na Akori Rose kuruga omu disiturikiti eya Kole.

Purezidenti Museveni ahaire Apio na Akori shiringi miriyooni 30 kubaasa kwongyera omu faamu zaabo.

Okello aine faamu erimu ente 305, embuzi 600, entaama, empunu 32 n’enkoko 200. Akori aine entaama 6, empunu 3 n’ente emwe y’enjungu kandi we Apio aine entaama 15.

Purezidenti ayongiireho ngu nikirebuka puroguraamu ya PDM eriyo nekora gye kandi ashemereirwe.

Janet Museveni nawe ayorekire okushemererwa ahabw’entunguuka eri omu maka agaatungire esente za PDM. Agizire ngu ebyanga byona ebi bataayaayire, bashangire abashaija n’abakazi barikukwatanisa nka famire.

 

Janet ayongiireho ngu omu myaka eyenyima, abakazi bakaba bareebwa nkabatarikubaasa kukora kintu kyona kandi bakaba bataheebwa kitiinisa beitu ngu obwa hati, nikirungi kureeba abakazi barikurugayo kukwatanisa n’abashaija baabo omukukora purogyekiti za famire.

Janet Museveni agizire ngu gavumenti ya NRM egyerizeho kutunguura abakazi kureeba ngu batamburira hamwe n’abashaija baabo beitu ngu abakazi baheza kusiga abashaija enyima, eihanga niribaasa kugira ekizibu kihango.

#WestUpdates

Omushaki

Omushaki

At Tv West

Read Previous

Purezidenti Museveni asiimire abaatungire eza PDM omuri Lango.

Read Next

Purezidenti Museveni asiimire abaatungire eza PDM omuri Lango.