Omukazi omuri Buhweju aitsirwe, Pooriisi necondooza.

N’ebya Omushaki weitu

BUHWEJU

Pooriisi omu disiturikiti ya Buhweju eriyo necondooza okufa kw’omukazi w’emyaka 35 orikugambwa kuba aitiirwe omu maka gye.

Omugyenzi omanyirwe nka Olivia Kyogabiirwe n’omutuura wa Enkombe trading centre kandi omutumbi gwe gureebirwe omu kasheeshe k’ebiro 02.09.2025. 

Omutumbi gw’omukazi ogu gureebirwe omushaija we, Nicholas Kabatungye, obaire naruga omu kirombe ky’okutiimbamu ezaabu.

Apollo Tayebwa, Orikukora nk’omugambirizi wa Pooriisi ahabw’ekyanga ekya Bushenyi empango nagira ngu omutumbi gw’omukazi gushangirwe gubyami ahansi. 

Okucondooza okwahikireho nikworeka ngu okwitwa kw’omukazi ogu kubaasa kuba kwine akakwate n’emihondano y’omu maka.

Pooriisi ekwatsire orikuteekateekwaho Kenneth Turinawe,24, kuruga Ruzinga omu gomborora ya Kyahenda kuhweraho Pooriisi omu kucondooza kwayo.

Omutumbi gwa Olivia Kyogabirwe gutwirwe omu kabafu ah’eirwariro erya Nsiika kwongyera kukyeberwa obwo okucondooza kurikugyenda omu maisho.

#WestUpdates